Gjithnjë e më shumë meshkuj anoreksikë

Ekspertët britanikë të cilët merren me çrregullimet e ushqyerjes, pesë vitet e fundit kanë vërejtur ngritje të madhe (67%) të rasteve kur meshkujt vuajnë nga anoreksia. Ndërmjet të sëmurëve shumë më të shpeshtë janë tinejxherët.

Shkencëtarët në Britani të Madhe, për herë të parë pas shumë vitesh që merren me anoreksi (çrregullim psikik me ç’rast pacienti në gjendje të vetëdijshme nuk merr ushqim me qëllim që të dobësohet), në disa lokacione britanike, madje, kanë vërejtur raste më të shpeshta të meshkujve sesa femrave me këtë gjendje.

Pesë vitet e fundit vërehet një rritje e numrit të meshkujve të cilët vuajnë nga anoreksia për 67%. Ndërmjet këtyre meshkujve, numri më i madh janë të rinj, ndërsa si shkaktarë kryesorë konsiderohet të jetë presioni i vazhdueshëm i shoqërisë që mashkulli duhet të duket bukur.

Në bazë të llogaritjeve, meshkujt përbëjnë 5-10% të numrit të përgjithshëm të pacientëve të cilët vuajnë nga çrregullimet e ushqyerjes.

Megjithatë, ekspertët pohojnë se numri i meshkujve që vuajnë nga anoreksia është shumë më i madh se ai që tregohet, mirëpo meshkujt e konsiderojnë anoreksinë si “sëmundje të femrave” dhe për këtë arsye nuk paraqiten te mjeku.

Më herët vetëm femrat janë paraqitur në ballinat e revistave, për linjën e tyre të dobët trupore, ndërsa kohëve të fundit edhe meshkujt modelë paraqiten nëpër revista, dhe ky është nj rrezik që anoreksia të përhapet edhe më shumë te meshkujt. /Telegrafi/