Festë në qytetin e Gjilanit, Intelektualët festojnë 20 vjetorin

KF Drita është nga ato klubet që mund të mburret që ka një nga tifozëritë më të zjarrta shqiptare.

‘Intelektualët‘ ndjekin gjithmonë klubin e tyre, ndërsa në ndeshjet në Gjilan janë në numër shumë të madh.

Këtë të diel ky tifo grup feston 20 vjetorin e themelimit dhe me këtë rast ata janë mbledhur në qendër të qytetit të Gjilanit për ta festuar.

Dhe normalisht nuk mungoi festa me mjete piroteknike, ku për disa momente ndriçuan gjithë qytetin pasi ishin në një numër të madh.

Ky përvjetor përveç që është jubilar, është përvjetori ku ‘Intelektualët’ e festojnë si kampion aktual të Kosovës në futboll.

Vlen të theksohet se Drita këtë vit mori pjesë edhe në kualifikimet për Ligën e Kampionëve, por u eliminua nga Malmo.

Edhe në këtë ndeshje ‘Intelektualët’ nuk munguan, ata udhëtuan në numër të madh në stadiumin ‘Fadil Vokrri’ në Prishtinë dhe përkundër rezultatit, ata nuk ndalën përkrahjen e tyre për skuadrën. /Telegrafi/