Fenerbahce ia cakton çmimin Muriqit, por Tottenham mund ta blejë vetëm gjatë verës

Sulmuesi i Fenerbahçes, Vedat Muriqi thuhet se ka folur me menxharin e tij dhe ia ka treguar dëshirën për t’iu bashkuar Tottenhamit që të luajë nën urdhrat e Jose Mourinhos.

Klubi anglez është duke i shqyrtuar opsionet për sulmin pas lëndimit të Harry Kane dhe shqiptari është një nga ta.

Kane pritet të mungojë gjatë, andaj Tottenhami po vuan për një sulmues tani në kohën kur mbetet në garë në Ligën Premier, Kupën FA dhe Ligën e Kampionëve.

Tottenhami ka qenë i lidhur me transferimin e sulmuesit të Kosovës, Muriqi, i cili ka shënuar dhjetë gola dhe ka dhuruar tri asistime në 16 ndeshje këtë edicion në Superligën turke.

Ditë më parë, ishte raportuar nga “Aksam” se Muriqi i ka thënë agjentit të tij se Tottenhami është klubi ku ai dëshiron ta vazhdojë karrierën pas largimit nga Fenerbahce.

Tani “Sport Witness”, Fenerbahce kërkon 21 milionë funte për Muriqin dhe mund ta shes vetëm në afatin kalimtar të verës.

Tottenhami dhe klubet e tjera duhet të presim pasi Fenerbahce e sheh shqiptarin si armën kryesore për të shkuar drejt titullit. /Telegrafi/