Femrat kalojnë tri vite të jetës në grimim!

Edhe meshkujt më të durueshëm në botë do t’i befasojë lajmi se femrat, mesatarisht gjatë tërë jetës, shpenzojnë tri vite në përgatitje për të dalë nga shtëpia.

Të dhënat janë fituar me kalkulimin e thjeshtë – mesatarisht një femër, për t’u rregulluar para një dalje më të gjatë, kalon më shumë se një orë para pasqyrës.

Nëse i shtohen kësaj edhe 40 minutat që, mesatarisht, femrat i shpenzojnë çdo ditë para se të shkojnë në punë – sasia e kohës së shpenzuar, për kohëzgjatjen e jetës mesatare, është dy vjet e nëntë muaj.

A është e kotë që të shpenzohen pothuajse tri vjet të jetës, këtë sigurisht e dinë vetëm gratë. Mirëpo, ka edhe më shumë. Për shembull, madje tre muaj të jetës, femra do të shpenzojë duke menduar se cilën çantë apo këpuca do të blejë.

Charlotte Newbert nga kompania Nephria, e cila ka publikuar këto të dhëna, ka deklaruar që është fascionuese se sa kohë të jetës sonë shpenzojmë në rutinën e përditshme.

Në hulumtim kanë përfshirë edhe kohën e shpenzuar në pastrim të trupit dhe flokëve. Para një dalje më të madhe, femrat kalojnë 22 minuta duke u pastruar dhe duke depiluar këmbët, shtatë minuta shkojnë për vendosjen e qumështit apo losionit për trup, 23 minuta shpenzohen për tharjen dhe rregullimit e flokëve, 14 minuta në vendosjen e grimit dhe gjashtë minuta për veshje.

Për krahasim, hulumtimi ka dëshmuar që përgatitja e meshkujve për dalje në mesatare është 17 minuta e 25 sekonda. Sa i përket daljes në treg, meshkujt që vendosin t’u bëjnë shoqëri partnereve të tyre, para kabinës së provimit të rrobave, të dashurën e tyre do ta presin një orë e dy minuta.

Neëbert ka theksuar që në anketën të cilën e kanë kryer me meshkujt dy të tretat e tyre kanë thënë që janë të lodhur nga pritjet derisa të dashurat e tyre përgatiten për dalje. Kjo dëshmohet me faktin që një nga dhjetë meshkuj ndërpresin lidhjen me femrën e cila është e gatshme të shpenzojë aq shumë kohë për tu përgatitur.