Facebook ishte ideja jonë, duam më shumë para

Nëse e keni parë filmin “Social Network” atëherë me siguri se ju kujtohen binjakët Winkelvoss, të cilët në vazhdimësi kishin mosmarrëveshje me themeluesin e Facebook, Mark Zuckerberg.

Në vitin 2008, vëllezërit binjak kishin fituar në gjyq për padinë që ata i kishin bërë Facebook, dhe për këtë ata kishin marrë më shumë se 65 milionë dollar nga rrjeti më i famshëm social në botë.

Edhe atëherë, por edhe tani, ata e kishin akuzuar drejtorin dhe themeluesin e Facebook, Mark Zuckerberg, duke thënë se ai e ka vjedhur idenë për krijimin e rrjetit social Facebook, ndërsa pretendojnë se gjithçka ka qenë ide e tyre e jo e Zuckerberg.

Pasi që kanë marrë 65 milionë dollarë nga Zuckerberg, vëllezërit Winkelvoss kanë vendosur që lëndën e njëjtë ta paraqesin edhe njëherë në gjykatë, dhe kështu të marrin edhe një herë para nga rrjeti social i cili sot në treg po vlerësohet me më shumë se 80 miliardë dollarë.

Mirëpo, gjykatësi i lëndës, Alex Kozinski ka anuluar kërkesën e tyre për rastin e Facebook, duke thënë se gjykata nuk shef asnjë bazë ligjore që çështja të kthehet dhe të ri-shqyrtohet, që domethënë se Facebook nuk do të duhet të paguajë më para, për vëllezërit që pretendojnë se Facebook ishte ideja e tyre. / Telegrafi /