E keni përdorur shprehjen “lotët e krokodilit”? Ja çfarë qëndron pas kuptimit të saj

“Lotët e krokodilit” që personifikon hipokrizinë e njerëzve të ligj

Shprehja “lotët e krokodilit” është përdorur aq shumë sa ndonjëherë as nuk e mendojmë kuptimin e saj të vërtetë.

Shpesh i referohemi dikujt që qan me hipokrizi, që shfaq keqardhje të rreme ose që mundohet të fitojë simpati për diçka që nuk e ndjen realisht.

Po nga vjen kjo shprehje dhe çfarë e bën kaq të veçantë?

Në fakt, shprehja “lotët e krokodilit” e ka origjinën nga një besim i lashtë, që më vonë u vërtetua shkencërisht.

Që në Mesjetë, njerëzit besonin se krokodilët qanin ndërkohë që hanin prenë e tyre, si një lloj pendese të rreme për aktin që po kryenin.

Më vonë, u zbulua se krokodilët vërtet prodhojnë lot, por jo sepse ndihen fajtorë, por sepse gjëndrat e tyre të lotëve aktivizohen gjatë të ngrënit, për shkak të mënyrës sesi funksionon nofulla dhe kanalet e lotëve.

E vërteta është se krokodilit nuk i vjen keq për kafshën e ngrënë, por është gjëndra e kripës ajo që prodhon lotët.

Dhe pikërisht pasi krokodili ka kollofitur kafshën së bashku me ujin e kripur, fillon veprimin e saj gjëndra e kripës që ndalon sasinë e tepërt të kripës, e cila del jashtë në formën e pikave të lotit.

Pra, nëse dikush qan “lot krokodili”, e ka të qartë që nuk po ndien realisht atë që shpreh. Prandaj dhe lindi shprehja “lotët e krokodilit” që personifikon hipokrizinë e njerëzve të ligj.

Mund të jetë një person që kërkon ndjesë vetëm për të shpëtuar nga pasojat e veprimeve të tij, dikush që dramatizon situata për vëmendje ose dikush që luan rolin e viktimës për përfitim personal.

Kështu që, herën tjetër kur dikush të përpiqet të të bindë me një ndjeshmëri të dyshimtë, kujtohu: lotët mund të jenë të vërtetë, por ndjenjat pas tyre jo gjithmonë! /Telegrafi/