Drejtoria për Administrimin e Parkut Kombëtar “Sharri” ka bërë të ditur se ekipet e saja po e monitorojnë gjendjen në Oshlak, pas zjarreve të fundit, që janë vënë nën kontroll fal të reshurave të shiut.
“Pas zjarrit që ndodhi dy ditë më herët dhe falë të reshurave të shiut gjendja me zjarre në pyjet e rrobullit në malin Oshlak është nën kontroll dhe monitorim të vazhdueshëm nga stafi i DAPK “Sharri””, thuhet në njoftim, raporton Telegrafi.
Sipas kësaj drejtorie, si çështje shqetësuese veçohen mungesa e ujit, konfiguracioni i terrenit si dhe largësia e burimeve ujore, rreth dy orë nga vatrat e zjarrit.
Agjencia për Mbrojtjen e Mjedisit të Kosovës, të premten, ka njoftuar se pas reshjeve të shiut gjendja me zjarre në pyjet e rrobullit në rezervatin strikt të natyrës në malin Oshlak dhe në zonën e gjerë të Prevallës është nën kontroll dhe se nuk paraqet ndonjë rrezik për përhapje masive. /Telegrafi/
