Bien temperaturat, parashikimi i motit për javën e dytë të janarit

Cikloni nga jugu i Italisë dhe Deti Jon, do të kushtëzojë mot me reshje dhe ulje të temperaturave në të dy vlerat ekstreme.

Një ciklon që ka ardhur nga jugu i Italisë dhe rajoni i Detit Jon ka sjellë reshje intensive në disa zona, kryesisht me lartësi mesataren dhe një rënie të ndjeshme të temperaturave në të gjithë vendin.

Kjo situatë meteorologjike pritet të vijojë me reshje të reja bore, kryesisht ditën e hënë.

Ngricat tashmë janë prezentë në të gjitha zonat, duke e bërë qarkullimin më të vështirë. Për këtë arsye, rekomandohet kujdes i shtuar për drejtuesit e automjeteve, të cilët duhet të jenë të pajisur me mjete dimërore dhe të shmangin udhëtimet e panevojshme.

Gjithashtu, këmbësorët dhe personat e moshuar këshillohen të tregojnë kujdes maksimal për të shmangur rrëshqitjet dhe incidentet në rrugë.

Parashikimi i motit për datat 13-17 janar 2025

E Hënë, 13 janar 2025

Moti do të jetë kryesisht i vranët, me reshje të herëpashershme të bores, me intensitet të dobët deri mesatar.

Në orët e mëngjesit priten ngrica dhe kushte për mjegull. Temperaturat minimale do të luhaten ndërmjet  -5°C dhe -3°C, ndërsa maksimalet nga -2°C deri në  -1°C.

Era do të fryjë nga verilindja me shpejtësi 1-7 m/s.

E Martë, 14 janar 2025

Moti mbetet kryesisht i vranët. Temperaturat minimale do të jenë ndërmjet -3°C dhe -1°C, ndërsa ato maksimale do të variojnë nga 0°C deri në 2°C.

Era do të jetë e lehtë nga drejtimi verilindor.

E Mërkurë, 15 janar 2025

Moti do të jetë kryesisht i vranët. Temperaturat minimale priten të zbresin ndërmjet -6°C dhe -3°C, ndërsa maksimalet do të jenë nga      -2°C deri në 0°C. Era do të jetë e dobët, me shpejtësi 1-3 m/s nga verilindja.

E Enjte, 16 janar 2025

Parashikohet mot i vranët, por me intervale të shkurtra me diell. Në mëngjes kushte për mjegull dhe ngrica ,Temperaturat minimale do të luhaten nga -6°C deri në -3°C, ndërsa maksimalet do të arrijnë nga -2°C deri në 2°C.

Era do të fryjë nga verilindja me shpejtësi 1-4 m/s.

E Premte, 17 janar 2025

Moti do të jetë i vranët, me periudha të shkurtra me diell gjatë ditës. Në mëngjes ngrica dhe kushte për mjegull.

Temperaturat minimale do të variojnë nga -8°C deri në -4°C, ndërsa maksimalet nga -1°C deri në 4°C.

Era do të jetë e lehtë nga verilindja, me shpejtësi 1-2 m/s/ Instituti Hidrometeorologjik i Kosovës.