Bezos provokoi zemërimin e publikut: Ai fluturon në hapësirë, duke mos paguar taksa

Miliarderi Jeff Bezos falënderoi punonjësit dhe klientët e Amazonit që kanë ndikuar në pagimin e udhëtimit të tij të parë në hapësirë – por këto komente shkaktuan kritika nga politikanë dhe të famshëm.

Gjatë një konference shtypi pas fluturimit të tij hapësinor në anijen kozmike New Shepard të Blue Sheriff, Bezos tha se “Unë gjithashtu dua të falënderoj çdo punonjës të Amazonit dhe çdo klient, sepse ju keni paguar për të gjitha këto”.

Kritikët shpejt vunë në dukje se punëtorët e Amazonit u ankuan për kushte të këqija të punës, ndërrime të gjata dhe paga të ulëta, ndërsa akuzuan themeluesin e kompanisë se nuk kishte paguar një pjesë të mirë të taksës.

“Po, punëtorët e Amazon paguan për të – paga më të ulëta, prishje të sindikatave, punë të çoroditura dhe çnjerëzore dhe furnizues që nuk kanë sigurim shëndetësor gjatë pandemisë. Klientët e Amazonit po paguajnë për këtë duke përdorur fuqinë e tregut të Amazonit për të dëmtuar bizneset e vogla”, tha ambasadori amerikane, Alexandria Ocasio-Cortez në Twitter.

Yes, Amazon workers did pay for this – with lower wages, union busting, a frenzied and inhumane workplace, and delivery drivers not having health insurance during a pandemic.

And Amazon customers are paying for it with Amazon abusing their market power to hurt small business. https://t.co/7qMgpe8u0M

— Alexandria Ocasio-Cortez (@AOC) July 20, 2021

Senatorja Elizabeth Warren akuzoi themeluesin e Amazonit, i cili kohët e fundit dha dorëheqje nga pozita e drejtorit ekzekutiv, se nuk kishte paguar taksa, duke iu referuar “taksës së pasurisë”.

“Jeff Bezos harroi të falënderojë të gjithë amerikanët punëtorë të cilët në fakt paguanin taksa për të mirëmbajtur këtë vend, ndërsa ai dhe Amazon nuk paguanin asgjë”, tha ajo.

“Unë jam në favor të tre ndryshimeve në ligjet tona të taksave – që miliarderët dhe mega-korporatat të fillojnë të paguajnë pjesën e tyre të drejtë”, shkroi senatorija në Twitter.

Jeff Bezos forgot to thank all the hardworking Americans who actually paid taxes to keep this country running while he and Amazon paid nothing. https://t.co/tjOeCWbUA8

— Elizabeth Warren (@ewarren) July 20, 2021

Ligjvënësi Erl Blumenauer bëri thirrje për një taksë mbi udhëtimet në hapësirë. “Udhëtimet në hapësirë nuk janë pushime pa taksa për të pasurit. Ne paguajmë taksa për biletat e aeroplanit. Miliarderët që fluturojnë në hapësirë – pa prodhuar vlerë shkencore – duhet të bëjnë të njëjtën gjë”, shkroi ai.

Blumenauer shprehu shqetësim në lidhje me ndikimin e fluturimeve hapësinore në mjedis dhe tha se ai propozoi një ligj, qëllimi i të cilit është që udhëtarët në ato fluturime të paguajnë taksa në mënyrë që të kompensojë ndikimin në ndotje.

You pay a tax when you fly on an airplane. Billionaires who fly into space to produce nothing of scientific value should do the same (and more)!

As the space tourism race continues, I’m working on a new #SPACETax to make this happen.

Stay tuned.🚀

— Earl Blumenauer (@repblumenauer) July 19, 2021

Bezos u kritikua gjithashtu nga politikanë jashtë Shteteve të Bashkuara dhe udhëheqësi i Partisë Kanadeze të Re Demokratike u bëri thirrje “ultra të pasurve të paguajnë pjesën e tyre të taksave”.

Daily Show, organizuar nga komediani Trevor Noah, theksoi kushtet e punës së punëtorëve të Amazonit pas fluturimit të Bezos.

Sipas organizatës jo-fitimprurëse të gazetarisë hulumtuese ProPublika, Bezos nuk ka paguar tatimin mbi të ardhurat në vitet 2007 dhe 2011. /Telegrafi/