Bezhovska: Pa investimeve kapitale s’ka rritje ekonomike

Pa realizimin e investimeve kapitale, rritja e dëshiruar ekonomike nuk do të arrihet, vlerëson guvernatorja e Bankës Popullore, Anita Angelovska-Bezhovska, sipas së cilës të dhënat më të fundit për rritjen e PBV-së prej 3.1 për qind në tremujorin e dytë të këtij viti tregojnë se hendeku midis parashikimeve dhe arritjeve po fillon të ulet. Por, siç tha ajo, dy tremujorët e ardhshëm janë të rëndësishëm për atë se në ç’drejtim do të lëvizë ekonomia.

“Në dy tremujorët e parë, nëse e shohim në mënyrë koumulative, ka një rritje ekonomike prej 1.6 për qind. Parashikimet tona për gjysmën e parë të vitit ishin rritje me rreth 3 për qind. Megjithatë, nëse shihen të dhënat , vizavi projeksioneve tona, është e qartë se lëshimi dhe dështimi janë të përqendruara në segmentin e investimeve dhe një pikë kyçe do të jetë rivitalizimi i ciklit të investimeve në ekonominë tonë”, theksoi Anita Angelovska Bezhovska.

Ministri i Financave Dragan Tevdovski qëndron fortë në qëndrimin se në këtë moment nuk është i nevojshme rebalanc, sepse buxheti mbushet më mirë se sa ishte planifikuar. Sa i përket investimeve kapitale, ku ka dështimin më të madh, ai pret një realizim më të mirë në tremujorin e fundit të këtij viti. Sipas tij, të dhënat për rritjen e prodhimit industrial, eksportit, investimeve të huaja dhe pagave tregojnë se ekonomia po fillon të rritet seriozisht.

Ekonomia shkon në një drejtim pozitiv dhe kjo është më e rëndësishmja, të dhënat për tremujorin e dytë janë 3.1%. Ne vlerësojmë se Maqedonia ka kapacitetin për të arritur rritjen e parashikuar”, deklaroi Dragan Tevdovski.

Komiteti për Stabilitet Financiar të Bankës Popullore, në të cilën mori pjesë ministri Tevdovski, konstatoi se sistemi bankar është i qëndrueshëm, aktiviteti i bankave po rritet, kreditë jofunksionale janë zvogëluar.

Pas uljes së normës bazë të interesit, guvernatorja thotë se ka vend për përshpejtimin e aktivitetit të kredisë, veçanërisht në sektorin e korporatave. Sipas Angelovska Bezhoska, stabilizimi i krizës politike i jep impuls pozitiv ekonomisë.