Apple prezanton iPad-ët e rinj në fund të muajit

AllThingsD ka raportuar se burimet e saj të besueshme të informacionit thonë se Apple do ta mbajë një ngjarje ekzkluzive për prezantimin e gjeneratës së pestë të tabletit të saj të famshëm, iPad, si dhe gjeneratën e dytë të tabletit të saj minimal, iPad Mini, ndërsa nuk përjashtohet mundësia që kompania amerikane të prezantojë edhe modelin e ri të laptopit të saj të ri, Mac Pro.

Apple nuk është përgjigjur në pyetjet e mediave të cilat kanë dashur që ta konfirmojnë këtë datë. Sipas AllThingsD thuhet se kjo datë do të jetë e saktë, sikurse që 10 shtatori ka qenë data e prezantimit të modeleve të reja të iPhone.

Tani, burime të shumta të lajmit thonë se gjenerata e pestë e iPad do të ketë dizajn më të hollë dhe më të lehtë, i cili do të jetë i ngjashëm me atë të gjeneratës së parë të tabletit iPad Mini. Gjenerata e dytë e tabletit iPad Mini pritet të vijë me ekranin Retina, edhe pse ka zëra që thonë se prodhimi i këtij modeli do të vonohet.

Janë bërë pothuajse një vit që nga koha kur Apple e kishte lansuar modelin e ri të tabletit iPad Mini, ndërsa para pak kohësh Tim Cook, drejtori i ri i Apple ka thënë se “vjeshta do të jetë një stinë shumë e zënë për ne”.

Tani, pritet të shihet se për çfarë është bërë fjalë, edhe pse me sa duket kjo vjeshtë do të sillet rreth modeleve të reja të tabletëve nga Apple. / Telegrafi /