Zyrtare: Ferizaj transferon mbrojtësin maqedonas Mecinovic

Ferizaj ka bërë përforcimin e parë në afatin kalimtar të janarit.

Skuadra bardhekaltër ka arritur marrëveshje me qendërmbrojtësin e njohur nga Maqedonia e Veriut, Jasmin Mecinovic, i cili së fundmi ka qenë pjesë e FK Skopje.

32-vjeçari ka një karrierë të gjatë dhe shumë të pasur, derisa së fundmi ishte te skuadra maqedonase Skopje.

Mecinovic ka luajtur te FC Sheriff, FC Tiraspol, Sogndal IL në Norvegji, Egri dhe Lombard Papa në Hungari, Makedonija GP , Renova, Pelister e Struga në Maqedoni, Banants Erewan në Armeni, Melaka në Malajzi, Nejmheh SC në Liban, Rudar e Podgorica në Mal të Zi, Persela në Indonezi dhe Trepça ’89 ku luajti për gjashtë muaj nga korriku i 2018 deri më janar të vitit 2019.

Kontrata mes palëve nuk është zbuluar se sa është afatgjate, por tanimë lojtari është prezantuar në ambientit e klubit ferizajas.

Njoftimi i plotë nga FC Ferizaj:Skuadra jonë njofton se ka arritur marrëveshje me qendërmbrojtësin e njohur nga Maqedonia e Veriut, Jasmin Mecinovic.Mecinovic vjen në Ferizaj pas një përvoje në klube të ndryshime të rajonit, ku çdo herë është karakterizuar me lidershipin e treguar në vijën e fundit.Mbrojtësi Mecinovic, në të kaluarën ka luajtur në Sogndal IL, të Norvegjisë, Banats të Armenisë dhe në disa klube në Azi. Në rajon kryesisht është paraqitur nëpër ekipet e shteteve si Maqedonia e Veriut e Mali i Zi.Me një fizikus të mirë, ai e ka vizionin, pozicionimin dhe organizimin e reparteve, duke qenë njëherit njëra ndër karakteristikat kryesore që e kanë dalluar qendërmbrojtësin tonë të ri.Me Jasmin Mecinovicin, FC Ferizaj e forcon kështu repartin e mbrojtjes, duke shtuar kualitetin dhe përvojen, që do jetë shumë e nevojshme në sezonën pranverore.Shume suksese në fanellën kaltër e bardhë, Mecinovic. /Telegrafi/