Vdes në moshë 26 vjeçare boksieri skocez Connor Law
04/06/2019
Kampioni i trefishtë skocez i boksit, Connor Law, ka vdekur të hënën, ndërsa nuk është bërë i ditur shkaku i vdekjes.
Lajmin e ka konfirmuar klubi i tij, Glenrothes Boxing Club, përmes një njoftimi në rrjetet sociale.
“Connor ishte një prej boksierëve më të talentuar me një të ardhme të ndritur përpara. Ai ishte njëherësh një xhentëlmen i vërtetë brenda dhe jashtë ringut”, thuhet mes tjerash në njoftimin e klubit.
Nderime ka bërë edhe Federata e Boksit të Skocisë duke e ngushëlluar familjen dhe miqtë përmes një postimi në rrjetet sociale.
Trajneri skocez i boksit, Gary Young, e ka shpërndarë një fotografi të Law në Instagram duke shkruar se kishte marrë një lajm të hidhur, ndërsa ka folur me lëvdata për boksierin e ndjerë. /Telegrafi/