Vdes babai i Mimoza Kusari-Lilës

Ademi Kusari, babai i politikanes së njohur kosovare Mimoza Kusari-Lila, ka ndërruar jetë pasditen e sotme pas një sëmundjeje të shkurtër.

Lajmin e hidhur e ka bërë të ditur vetë Mimoza Kusari-Lila përmes një postimi, ku ka njoftuar familjarët, miqtë dhe opinionin publik për ndarjen nga jeta të babait të saj.

Në njoftim thuhet se Ademi Kusari u nda nga jeta i rrethuar nga dashuria e familjes, me dinjitet dhe respekt për jetën dhe njeriun, vlera që e kanë shoqëruar gjatë gjithë jetës së tij.

Ajo theksoi se kujtimi dhe mësimet që ai la pas do t’i shoqërojnë gjithmonë.

Familja ka bërë të ditur se për detajet e ceremonisë mortore do të njoftohet në ditët në vijim.