Sulmuan njëri-tjetrin dhe morën tretman mjekësor, shoqërohen në polici çifti që bashkëjetonte në Obiliq
Foto: Ilustrim
21/10/2025
Policia e Kosovës ka njoftuar për një rast të dhunës në Obiliq.
Rasti ka ndodhur të hënën, në ora 12:10.
“Në stacion policor janë shoqëruar dy të dyshuarit që kanë qenë duke bashkëjetuar (mashkull dhe femër kosovarë) për shkak se pas një mosmarrëveshjeje e kanë sulmuar fizikisht njëri-tjetrin dhe si pasojë e dhunës kanë pranuar tretman mjekësor”, thuhet në raport.
E dyshuara në këtë rast ka pasur urdhër mbrojtës kundër të dyshuarit, por pa informuar stacionin policor kishin vendosë të fillojnë bashkëjetesën.
Në konsultim me prokurorin është iniciuar lënda e rastit, palët janë liruar në procedurë të rregullt. /Telegrafi/