Shpërthen një bombë nën veturën e një shkrimtari nacionalist rus, shpëtoi për mrekulli

Shkrimtari i shquar nacionalist rus, Zakhar Prilepin u plagos në një sulm me veturë bombë në rajonin e Nizhny Novgorod ndërsa Moska fajësoi Ukrainën dhe Perëndimin.

“Ai ka mbijetuar, por ka mbetur i plagosur dhe është i vetëdijshëm”, ka thënë një burim i afërt me shkrimtarin.

Nuk ka detaje të tjera në këto momente, raportojnë mediat e huaja.

Kujtojmë se dy nga propagandistët kryesorë të Rusisë pro luftës janë vrarë që kur shteti rus nisi pushtimin në Ukrainë.

Darya Dugina, vajza e një ideologu nacionalist, u vra në një sulm me bombë me veturë pranë Moskës në muajin gusht.

Blogeri ushtarak, Vladlen Tatarsky u vra muajin e kaluar me një bombë në një kafene në Shën Petersburg. /Telegrafi/