Nora Istrefi dhe Robert Berisha janë një nga çiftet më të lakmuara të skenës muzikore shqiptare.
Në shikim të parë duken sikur nuk kanë asnjë defekt, por i ftuar në emisionin “E Diell” në Top Channel, Roberti i ka thënë disa “ankesa” për këngëtaren e famshme.
Ai pohoi se mbante mend shumë momente të bukura si në fejesë ashtu dhe në martesë, por ajo që nuk i ka pëlqyer prej Norës është vonesa e saj.
“Tre orë është vonuar Nora në ditën tonë të dasmës dhe ka zgjatur dasma deri në orën 5:00 të mëngjesit vetëm prej saj”, ka treguar Roberti me humor.
Ai ka kujtuar gjithashtu fillimet e njohjes me bashkëshorten e tij që zgjatën pak a shumë gjashtë muaj, pasi Nora duke qenë tip i qetë nuk i jepte shumë siguri Robertit.
Sa për trupin më të bukur meqë të dy merren me palestër, Berisha tha se padiskutim Nora mban vendin e parë.