Legjenda braziliane e Barcelonës, Rivaldo ka folur fjalë të mëdha për mesfushorin e Barcelonës, Arthur Melo, të cilin e ka cilësuar si 'Xavi i ri'.
Arthur shkëlqeu në Wembley në fitoren e Barcelonës me rezultat 4-2 në Ligën e Kampionëve kundër Tottenhamit.
Kështu, Rivaldo është i kënaqur që bashkëkombësi i tij, Arthur, të marrë shansin e tij për të luajtur te Barcelona.
Sipas legjendës braziliane, Arthur është personi më adekuat për të zëvendësuar Xavin.
"Jam i sigurt se Arthur do të përfundojë duke u bërë titullar i rregullt në formacionin e Barçës", ka thënë fillimisht Rivaldo.
"Ai tregoi aftësitë e tij për të qenë 'Xavi i ri'".
"Ai mund të jetë personi më i mirë për ta zëvendësuar Xavin", përfundoi braziliani.
Për mesfushorin brazilian kanë folur fjalë të mëdha edhe trajneri Ernesto Valverde dhe mesfushori Ivan Rakitic. /Telegrafi/