Rikthim i madh i Arbër Zenelit, asiston në fitoren e Reimsit në udhëtim te Monaco

Arbër Zeneli ka lënë mbrapa lëndimin e rëndë dhe është rikthyer për të luajtur në Ligue 1.

Sulmuesi i Kosovës ka zhvilluar ndeshjen e parë këtë edicion me Stade Reims.

Zeneli ishte në bankën e rezervë, por u inkuadrua në lojë në minutën e 80-të, kur Reims po humbiste 1-0 nga Monaco.

Inkuadrimi i tij në fushë i dha impakt të madh lojës, pasi Reims  arriti fillimisht të barazoj rezultatin në 1-1 në minutën e 85-të falë një autogoli nga Kevin Volland.

E në minutën e 92-të, Arbër Zeneli asistoi për mrekulli tek Nathanael Mbuku i cili shënoi golin e fitores 1-2.

Kjo ishte ndeshja e parë e Zenelit këtë edicion në Ligue 1, teksa ai ka treguar formë të lartë në këtë paraqitje ndaj Monacos.

Gjithsesi rikthimi i tij është lajm i mirë edhe për përzgjedhësin e Kosovës, Alain Giresse para ndeshjeve të muajit mars. /Telegrafi/