Ylli francez, Franck Ribery është i hapur për të vazhduar kontratën me Bayern Munichun edhe për një vit tjetër.
Ribery është në vitin e fundit të kontratës së tij me Bavarezët dhe është folur shumë për një largim të tij në fund të sezonit.
Megjithatë, francezi e ka pranuar se do të ishte i hapur të vazhdonte karrierën në Allianz Arena edhe për një vit tjetër.
"Po, natyrisht", ishte përgjigja fillestare e Riberyt për Sky, kur u pyet për të mbetur në Munich.
"Situata ime nuk është e lehtë të vlerësohet".
"Por unë thjesht punoj, po argëtohem dhe po performoj".
"Çfarë do të ndodhë sezonin e ardhshëm, ne do të shohim", përfundoi francezi.
Ndryshe, Ribery u bashkua nga Marseille në vitin 2007 dhe që nga ajo kohë ka fituar tetë tituj në Bundesliga dhe shumë trofe në të Kupës dhe Superkupës.
Ylli francez gjithashtu ka fituar edhe Ligën e Kampionëve, Superkupën e Evropës dhe Kupën e Botës për Klube në vitin 2013. /Telegrafi/