05/03/2016
Real Madridi ka arritur fitore të thellë ndaj Celta Vigos me rezultat 7-1.
Los Blancos e dominuan këtë ndeshje, ndërsa mysafirët përveç golit nuk arritën të tregonin asgjë.
Edhe pse kjo ndeshje ishte një festival golash, në pjesën e parë shënoi vetëm Pepe në minutën e 41-të, ku edhe kaloi vendasit në epërsi.
Pjesa e dytë erdhi me katër gola të njëpasnjëshëm të Cristiano Ronaldos në minutat 50’, 58’, 64’ dhe 76’. Ndërsa golat e fundit erdhën nga Jese (77’) dhe Gareth Bale (81’).
Goli i vetëm nga Celta erdhi në minutën e 62-të nga Iago Aspas, por ishte një gol klasi.
Pas kësaj fitore Reali vazhdon në pozitën e tretë me 57 pikë, ndërsa Celta në të gjashtën me 42 pikë. Ndeshja e ardhshme e Los Blancos është ndaj Las Palmas. /Telegrafi/