Real Madridi fiton derbin e zjarrtë lokal ndaj Atleticos, thellon epërsinë me Barcelonën

Real Madridi ka arritur të triumfojë në derbin e zjarrtë lokal ndaj Atletico Madridit me rezultat minimal 1-0 në ndeshjen e vlefshme për javën e 22-të në La Liga.

Mbretërit kanë arritur të marrin edhe fitoren e katërt radhazi në kampionat, duke mposhtur rivalët e urryer dhe duke quar në gjashtë pikë epërsinë ndaj ndjekësve të Barcelonës.

Pjesa e parë e takimit i karakterizua me lojë më të mirë të vendasve, por rastet më të mira për gol i patën mysafirët.

Angel Correa dhe Victor Vitolo patën raste ideale për të kaluar Atleticon në epërsi, por pa arritur të tundin rrjetën.

Në pjesën e dytë, Reali hyri furishëm duke bërë më shumë dhe duke gjetur edhe golin e vetëm të ndeshjes.

Goli i vetëm në këtë takim u shënua në minutën e 56-të të ndeshjes dhe ishte Karim Benzema, i cili shënoi për 1-0 pas asistimit të Fernand Mendy.

Pas këtij goli, Atletico i bëri disa tentativa në kërkim të golit të barazimit, por pa pasur sukses dhe Reali mori një fitore të madhe 1-0.

Pas kësaj fitore, Los Blancos e shohin veten në pozitën e parë me 49 pikë apo gjastë më shumë se Barcelona e dyta me një ndeshje më pak, ndërsa Atletico zë vendin e pestë me 36 pikë.

Në ndeshjen e radhës, Reali udhëton te Osasuna, ndërsa Los Lochoneros e presin Granadan. /Telegrafi/