Ray‑Ban Meta prezanton modele të reja me funksione AI

Versioni i fundit i syzeve inteligjente të kompanisë Meta së bashku me partnerin e saj EssilorLuxottica ka arritur në treg dhe konsiderohet më i adaptueshëm, sidomos për njerëzit që përdorin syze me dioptri.

Modeli i ri përfshin dy stile të reja kornizash: Ray‑Ban Meta Blayzer Optics dhe Ray‑Ban Meta Scriber Optics, të cilat vijnë me rame më të holla, jastëkë të shkëmbyeshëm për hundë dhe majë të rregullueshme te krahu i syzeve, për një përshtatje më të mirë sipas formës së kokës.

Siç sugjeron edhe emri “Optics“, këto syze janë kompatibile me një gamë të gjerë lente dioptrike, përfshirë lente progresive dhe foto‑ndjeshme.

Syzet janë në dispozicion për paraporosi dhe do të dalin në shitje më 14 prill, me çmim fillestar prej rreth 499 dollarë, që është më e shtrenjtë se modeli standard Gen‑2 që fillon nga 379 dollarë. Ky çmim nuk përfshin lente dioptrike, të cilat mund të kushtojnë edhe 200‑300 dollarë ose më shumë.

Meta gjithashtu ka shtuar funksione të reja inteligjente me Meta AI, si përkthim në kohë reale për gjuhë të ndryshme dhe mundësi për të ndjekur ushqimin dhe vlerat ushqimore, si dhe përmbledhje navigimi mesazhesh.

Në thelb, modeli i ri i syzeve Ray‑Ban Meta ofron më shumë mundësi personalizimi dhe mbështetje për përdoruesit me nevoja të veçanta, por vjen edhe me një çmim më të lartë. /Telegrafi/