Rama uron Thaçin për ditëlindje: Edhe 100 komandant!

Kryeministri i Shqipërisë, Edi Rama ka uruar ish-presidentin e Kosovës Hashim Thaçin, për ditëlindjen e tij.

Në një postim në rrjetin social Facebook, Rama ka publikuar një foto të Thaçit me mbishkrimin: “EDHE 100 KOMANDANT”.

Hashim Thaçi këtë të enjte kremtoi 57-vjetorin e lindjes. Kjo ditëlindje Thaçin e gjen në Hagë, ku po vazhdon procesi gjyqësor ndaj ish-krerëve të Ushtrisë Çlirimtare të Kosovës (UÇK) nga Gjykata Speciale.

Hashim Thaçi u lind më 24 prill 1968 dhe shërbeu si presidenti i pestë i Republikës së Kosovës nga 7 prilli 2016 deri më 5 nëntor 2020.

Ai ishte gjithashtu kryeministri i parë i Kosovës së pavarur, nga 9 janari 2008 deri më 9 dhjetor 2014.

Në periudhën e mëvonshme, Thaçi ka shërbyer si Ministër i Jashtëm dhe Zëvendëskryeministër në kabinetin e kryesuar nga Isa Mustafa, që mori detyrën më 12 dhjetor 2014.

Thaçi ka udhëhequr Partinë Demokratike të Kosovës (PDK). Ai u ngrit në skenën politike si udhëheqës politik i UÇK-së. /Telegrafi/