OBRM-PDUKM: Filipçe të dorëhiqet, LSDM-ja duhet të reformohet

Partia në pushtet OBRM-PDUKM, sot përmes një reagimi tha se LSDM duhet të reformohet.

Viktorija Andonovska nga kjo parti tha se LSDM-ja, për të mbijetuar politikisht, duhet të ndërpresë lidhjet me Venko Filipçen dhe Zoran Zaevin.

“LSD-ja e pa-reformuar, e udhëhequr nga Filipçe në hijen e Zaevit, përjetoi një dështim historik në këto zgjedhje. Udhëheqja e LSD-së nga Filipçe dhe Zaev e çoi partinë drejt kolapsit, dhe këtë e dëshmon rezultati i këtyre zgjedhjeve lokale, ku LSD fitoi vetëm 6 komuna, 126,000 vota dhe rreth 230 këshilltarë. Njëkohësisht, partia humbi edhe bastionet e saj të dikurshme. Derisa LSD drejtohet nga dyshja Filipçe-Zaev, partia mbetet larg çdo mundësie për progres, konsolidim dhe reformë. Për LSD-në, është e domosdoshme ndërprerja e lidhjes me Filipçen dhe Zaevin, nëse dëshirojnë të mbijetojnë politikisht. Nëse LSD dëshiron të vazhdojë ekzistencën e vet politike, Filipçe duhet të japë dorëheqjen. Maqedonia ka nevojë për një opozitë të fortë, jashtë rrethit të Filipçes dhe Zaevit”, tha Viktorija Andonovska nga OBRM-PDUKM.