Njoftoi se llogaria në TikTok i është “bllokuar përgjithmonë”, Dylan Page tani thotë se papritmas i është rikthyer

TikTokeri i njohur Dylan Page ka njoftuar se llogaria e tij në platformën TikTok, është “ndaluar” përgjithmonë.

Ai thotë se pavarësisht se nuk ka bërë ndonjë shkelje të rregullave të përdorimit të kësaj platforme, llogaria e tij është bllokuar”, transmeton Telegrafi.

Page i cili ka miliona ndjekës këtë njoftim e bëri në një video të postuar në rrjetet sociale, duke njoftuar se është ankuar për këtë vendim.

Megjithatë disa orë pas këtij njoftimi, ai gjithashtu informoi ndjekësit e tij se i është rikthyer llogaria.

Deri më tani nuk ka ndonjë sqarim zyrtar se pse i ishte bllokuar llogaria amerikanit të njohur. /Telegrafi/