Në Stokholm organizohet forum bashkëpunimi ndërmjet Maqedonisë dhe Suedisë

Nën organizimin e ''Maqedonia 2025'', sot dhe nesër në Stokholm të Suedisë do të mbahet forum ku do të prezantohen mundësitë për bashkëpunim ndërmjet Maqedonisë dhe Suedisë, përcjell Telegrafi Maqedoni.

Sipas AIM-së, forumi organizohet në bashkëpunim me Ambasadën e Maqedonisë në Stokholm dhe Rajonit të Afarizmit të Stokholmit. Qëllimi i këtij organizimi është ndërlidhja e profesionistëve nga Maqedonia dhe ekspertëve të sferave të ndryshme që jetojnë në Evropë, si edhe propovimi i mundësive për investim dhe bashkëpunim në Maqedoni./Telegrafi/