28/02/2017
Dr. Oktay Ozman nga Stambolli i Turqisë, e ka publikuar fotografinë e gurit gjigant, që ia kanë hequr një burri nga fshikëza.
Pacienti 63-vjeçar kishte dhimbje të tmerrshme, shkaku i këtij objekti të gjatë katër centimetra, me disa zgjatime të pazakonta, transmeton Telegrafi.
Derisa gurët e zakonshëm deri në një centimetër largohen gjatë urinimit, për këtë rast të veçantë është dashur intervenim, madje mjaft të komplikuar.
Fotografia e publikuar në ueb-faqen Figure 1, ku mjekët ndajnë rastet e tyre unike, ka bërë gjiro nëpër rrjete sociale për shkak të dukjes së pazakontë.
Ndryshe, në të shumtën e rasteve gurët nuk shfaqin simptome, por në rast se lëvizin atëherë dhimbjet janë të papërballueshme. /Telegrafi/