Mbappe dhe Vini Jr dhurojnë spektakël, Reali i pamëshirshëm për Monacon
Real Madridi është rikthyer te fitorja në Ligën e Kampionëve, teksa ka mposhtur Monacon me rezultat të thellë 6-1.
Ka qenë një ndeshje ku kanë shkëlqyer dy yjet më të mëdha të Realit, Kylian Mbappe dhe Vinicius Junior.
Vetëm pas pesë minutash lojë, Kylian Mbappe realizoi për 1-0 pas asistimit nga Fede Valverde. 21 minuta më vonë, francezi shënoi golin e dytë personal, ku kësaj radhe u asistua nga Vini Jr.
✌️ ¿Alguien sabe cómo se dice doblete en francés? pic.twitter.com/Q0wzi2v4zC
— Real Madrid C.F. (@realmadrid) January 20, 2026
45 minutat e para të kësaj ndeshje u mbyllën me epërsinë e dyfishtë të Realit 2-0.
Reali e nisi furishëm pjesën e dytë, ku Vini Jr asistoi fillimisht te Franco Mastantuono që shënoi për 3-0, derisa braziliani ishte asistues edhe te autogoli i Kehrer për 4-0.
Në minutën e 63-të, Vini Jr shënoi golin e parë personal në këtë takim për 5-0, derisa Monaco realizoi golin e nderit me Tezen në minutën e 72-të.
Për rezultatin përfundimtar u përkujdes Jude Bellingham që shënoi për 6-1 pas asistimit nga Valverde.
Me këtë fitore Reali ngjitet në pozitën e dytë në tabelë me 15 pikë, derisa ndeshjen e radhës e luan në udhëtim te Benfica. /Telegrafi/