Liverpooli dhe trajneri i tyre Jurgen Klopp e pëlqejnë jashtë mase mbrojtësin e Real Madridit, Dani Carvajal, të cilin e duan në verë në Anfield.
Gjatë verës mund të ketë probleme serioze për Real Madridin, pasi shumë lojtarë nga formacioni bazë mund të largohet nga Santiago Bernabeu.
I tillë është edhe mbrojtësi spanjoll, Dani Carvajal, i cili pëlqehet në masë të madhe nga skuadrat e mëdha evropiane.
Sipas mediumit Don Balon, Liverpooli dhe trajneri i tyre, Jurgen Klopp janë admirues të mëdhenj të Carvajlit.
Trajneri gjerman është shumë i impresionuar me paraqitjet e mira të spanjollit te Reali dhe e do me çdo kusht në Anfield gjatë vrës.
Transferimi i tij mund të jetë i vështirë shkaku që Reali e sheh si shumë të rëndësishëm, por Liverpooli është gati të shpenzoj për shërbimet e tij.
Liverpooli ende ka bilance në plus pas shitjes së Philippe Coutinhos te Barcelona për 160 milionë euro dhe një pjesë e tyre e madhe pritet të shpenzohet për transferimin e Carvajalit.
Sipas këtij mediumi edhe mbrojtësi i krahut të djathtë do të pëlqente një ndërrim ambienti, pasi me Mbretërit ka fituar çdo gjë. /Telegrafi/