Kompania hungareze e lidhur me pejxherët që shpërthyen në Liban, mohon t’i ketë prodhuar ato  

Një kompani me bazë në Budapest ka mohuar të ketë bërë pejxherët që shpërthyen në Liban.

BAC Consulting ishte akuzuar nga firma tajvaneze Gold Apollo për prodhimin e pajisjeve, pasi autorizoi BAC të përdorte markën e saj në modelin e pejxherit AR-924, transmeton Telegrafi.

Imazhet e disa pejxherëve të shkatërruar dukej se tregonin AR-924 me një format dhe ngjitëse që ishin në përputhje me ato të bëra nga Gold Apollo, sipas analizës së Reuters.

Por tani shefja ekzekutive e BAC, Cristiana Barsony-Arcidiacono, i ka thënë NBC News: "Unë nuk bëj pagesat. Unë jam thjesht ndërmjetësi. Mendoj se e ke kuptuar gabim."

Më herët, Gold Apollo kishte thënë: "Ne autorizojmë BAC të përdorë markën tonë tregtare për shitjet e produkteve në rajone të caktuara, por dizajni dhe prodhimi i produkteve janë vetëm përgjegjësi e BAC". /Telegrafi/