FIGC raportohet se ka kërcënuar me përjashtim nga Seria A, nëse ndonjë klub nuk e respekton protokollin mjekësor për COVID-19.
Sipas Sport Mediaset, Sky Sport Italia dhe të tjera mediumeve, ky propozim do të diskutohet në një takim të hënën.
Ky vendim do t'i jepte Federatës autorizimin që të largojë nga elita secilin klub që thyerjen rregullat.
Kurba pandemike në Itali po bie ndjeshëm çdo ditë, duke bërë që shumë ekipe dhe stafi i tyre mjekësor të bëjnë thirrje për një relaksim të udhëzimeve karantine.
Sidoqoftë, FIGC dhe CTS (komiteti teknik shkencor) qëndrojnë të vendosura dhe mendojnë se nuk duhet të ndryshohet akoma protokolli.
Për dallim nga Liga Premier, Bundesliga dhe La Liga, rregullat e Serisë A janë shumë më të rrepta nëse një person brenda skuadrës ose stafit testohet pozitiv për COVID-19.
Në Itali, individi që testohet pozitiv duhet të shkojë në izolim total për të paktën 14 ditë, ndërsa në ligat e tjera më të mëdha evropiane, është shtatë ditë.
Ekzistojnë frika shumë reale se nëse del një ose më shumë lojtarë pozitiv, e gjithë liga do të ndalet.
Ky vendim i FIGC është vënë si mbrojtje për të siguruar që klubet do të qëndrojnë në protokoll. /Telegrafi/