12:"Armend Kqiku
14/06/2017
Kandidatja nga radhët e Partisë Demokratike të Kosovës, Leonora Morina- Bunjaku ka arritur të marrë vota të shumta në komunën e Gjilanit.
Morina- Bunjaku e cila në listën e koalicionit PAN kishte numrin 87 arriti të marrë plot 3969 vota në Gjilan, transmeton Telegrafi.
Gjatë fushatës parazgjedhore kartëvizitat e saj u gjenden në paketimin e pitalkave të cilat i kishte shpërndarë për syfyr furra “Pashtriku” në Gjilan.
Morina-Bunjaku kishte mohuar se ka organizuar vetë një iniciativë të tillë.
“Ai s’ka qenë aktivitet, e as iniciativë e imja. Unë sinqerisht u kërkoj falje gjithë qytetarëve të Gjilanit që dikush në një mënyrë kaq të ulët ka tentuar të bëjë fushatë kundër meje”, kishte thënë ajo./Telegrafi/
