Kandidati i Alternativës, Beqiri: Prishtinës i duhen 70 hektarë hapësira të gjelbëruara për standardin e OBSH-së
29/09/2025
Kandidati për kryetar të Prishtinës nga partia Alternativa, Merkur Beqiri, ka theksuar se kryeqyteti i Kosovës, Prishtina, përballet me mungesë të hapësirave të gjelbëruara, duke nënvizuar se qytetit i duhen të paktën 70 hektarë të reja për të arritur minimumin e rekomanduar nga Organizata Botërore e Shëndetësisë (OBSH).
Beqiri gjithashtu ka theksuar se puna e përbashkët e Alternativës është garanci për komuna të zhvilluara, transparente dhe të pastra, ku qytetarët kanë qasje në shërbime të shpejta dhe cilësore.
Deklarata vjen në kontekstin e iniciativave të partisë për përmirësimin e cilësisë së jetesës dhe zhvillimin urban të qëndrueshëm në Prishtinë.