Ish-anëtarja e Little Mix, Jade Thirlwall, po përgatitet të publikojë albumin e saj debutues solo dhe ka treguar se është mbështetësja më e madhe e grupit që e bëri të famshme.
“Shikoj mbrapa dhe jam e mahnitur nga ne! Akoma shoh videoklipe dhe performanca dhe pyes veten se si nuk u bëmë edhe më të mëdha, sepse ishim fantastike,” tha ajo.
Thirlwall, 32 vjeçe, është e njohur për energjinë e saj të jashtëzakonshme në skenë dhe performancat teatrale, shkruan The Guardian.
Kënga e saj debutuese, “Angel of My Dreams”, u nominua për Ivor Novello Award, dhe performanca e saj në Brit Awards u përshkrua si “vjedhja e shfaqjes” me krahët engjëllorë gjigantë dhe ndryshime të shpejta kostumesh.
Përveç muzikës, ajo ka folur hapur për politikat sociale dhe për të drejtat LGBTQ+, duke mos u trembur të japë opinionin e saj politik edhe në skenë. Në një intervistë më të re, ajo tregoi se ka përdorur edhe Ozempic, duke bërë me shaka se është pjesë e përgatitjes për trupin dhe energjinë e performancave të saj intensive.
Jade Thirlwall tregon se karriera solo i jep mundësinë të eksperimentojë dhe të ketë “rrethin bonus” për të krijuar muzikën e saj, duke sjellë një stil maksimalist dhe të guximshëm që e karakterizon edhe si artisten e Little Mix. /Telegrafi/