Juventusi do ta rifillojë stërvitjen në ditën e martë dhe lojtarët e parë kanë arritur në JMedical këtë mëngjes për të kryer vizitat e kërkuara para se të kthehen në fushë.
Lojtarëve këtë mëngjes janë parë në ambientet e JMedical, ku kanë kryer disa vizita dhe teste të shpejta, ndër to edhe për coronavirus.
Lojtarët që kishin mbetur në Itali ishin të parët që arritën, me Leonardo Bonuccin, Federico Bernardeschin, Juan Cuadradon, Carlo Pinsoglion dhe Aaron Ramseyn, shkruan Calciomercato.com.
Cristiano Ronaldo raportohet se do të arrijë sot pasdite, duke u rikthyer nga Madeira.
Me maska të rrepta dhe duke respektuar distancat e nevojshme - lojtarët hynë në objektin mjekësor të klubit pas një kontrolli të shpejtë në hyrje.
Juventusi është lider në Serie A me një pikë më shumë se Lazio. /Telegrafi/