Joe Biden e quan mbretëreshën Rania të Jordanisë – “mbretëresha Rihanna”
Familja mbretërore e Jordanisë ka qenë për vizitë te presidenti amerikan Joe Biden, ku gjatë bisedës Joe Biden bëri një tjetër gafë.
Mbretëresha e Jordanisë, Rania u takua me presidentin amerikan këtë javë si pjesë e vizitës së bashkëshortit të saj Mbretit Abdullah në kryeqytetin amerikan, së bashku me djalin e tyre të madh, Princin Husein, transmeton Telegrafi.
Presidenti amerikan dhe mbreti zhvilluan një takim privat, ku diskutuan mundësinë e një armëpushimi në Gaza.
Para kësaj, familjet e mbretit të Jordanisë dhe presidentit amerikan u takuan dhe bënë fotografi për mediat, kurse Joe Biden i dha mbretëreshës një emër të ri.
Biden e quajti mbretin një mik të mirë kurse gruan e tij, Mbretëreshën Rania, "Mbretëresha Rihanna". /Telegrafi/
https://twitter.com/mpdimino/status/1757157061522055204?ref_src=twsrc%5Etfw%7Ctwcamp%5Etweetembed%7Ctwterm%5E1757157061522055204%7Ctwgr%5E7a31a0a4f19d653682d2e324c76e397ae144e06e%7Ctwcon%5Es1_&ref_url=https%3A%2F%2Fwww.klix.ba%2Fvijesti%2Fsvijet%2Fjoe-biden-kraljicu-jordana-raniu-nazvao-kraljicom-rihannom%2F240215089