Jesper Ostlund publikon listë e Kosovës, flet për përballjet me Britaninë e Madhe

Trajneri suedez Jesper Ostlund ka shpallur të martën listën e parë të lojtarëve si përzgjedhës i Kosovës në hendboll.

Që nga marrja e detyrës më 2 shtator, Ostlund ka nisur përgatitjet për ekipin dhe planifikimin e ndeshjeve me Britaninë e Madhe. Të martën ai përzgjodhi 18 lojtarë që do të grumbullohen të dielën.

Ostlund do të asistohet nga Jasmin Zhuta dhe është i entuziazmuar për fillimin e punës me ekipin kombëtar.

“Do ta fillojmë javën e ndeshjeve ndërkombëtare me shumë energji dhe duhet të vendosim gjërat në vend shumë shpejt. Do të jetë një përbërje e re si në sulm ashtu edhe në mbrojtje, që kërkon shumë nga lojtarët, nga unë dhe nga asistenti im”, deklaroi Ostlund.

Në listë ka edhe dy debutues në pozitën e pivotit: Muhamet Durmishi dhe Ardit Tafilaj, të cilët kanë treguar paraqitje të mira për klubet e tyre. Një tjetër lojtar me eksperiencë të huazuar në ligën suedeze, Gzim Salihi, do të përfshihet gjithashtu në ekip.

Kosova do të ketë disa mungesa në ndeshjen ndaj Britanisë së Madhe. Lojtarët që nuk do të jenë të gatshëm për arsye të ndryshme janë: Valon Dedaj, Luigj Quni, Kushtrim Ninaj, Kastriot Jupa dhe Bujar Ramosaj. Gjendja e Egzon Gjukës dhe Salihit, të cilët pësuan lëndime të vogla në ndeshjet e fundit, do të vlerësohet deri në ditën e ndeshjes.

“Mungesat do të ndikojnë në forcën e ekipit, por është e rëndësishme që lojtarët e tjerë të marrin më shumë përgjegjësi”, shtoi ai.

Ostlund shprehet i motivuar për ndeshjet e para, ku foli edhe për Britaninë e Madhe si kundërshtar.

“Do të takoj lojtarët për herë të parë dhe do të punojmë shumë për të arritur synimin tonë për të avancuar në raundin tjetër. Britania e Madhe është një ekip me shumë lojtarë të mirë, kështu që do të jetë një sfidë e fortë për ne”, përfundoi Ostlund. /Telegrafi/