Interi dhe Napoli do të luajnë sot (e diel) në derbin e javës së 28-të në kampionatin italian.
Nerazzurët do të jenë nikoqir të napolitanëve në ndeshjen derbi të javës në Serie A, e cila zhvillohet në Giuseppe Meazza dhe pritet të filloj nga ora 20:45.
Skuadra e Luciano Spallettit vjen nga një fitore 2-0 ndaj Beneventos dhe dëshiron ta shfrytëzoj terrenin vendas për të marr fitoren e radhës ndaj Napolit.
Kjo fitore është shumë e rëndësishme për zikaltrit pasi duan të qëndrojnë në hap me Romën dhe Lazion për ta zënë një pozitën që i dërgon në Ligën e Kampionëve.
Në anën tjetër, skuadra e Murizio Sarrit vjen nga një humbje befasuese dhe e rëndë në shtëpi nga rivali Juventusi.
Kështu, napolitanët do të bëjnë çmos të marrin rezultat pozitiv nga ky udhëtim i vështirë për të mbetur në garë për titullin kampion.
Spalleti në këtë ndeshje pritet të luaj me formacionin e tij më të mirë, ku ka vetëm një dilemë, të zgjedh me Rafinhas dhe Marcelo Brozovicit, me kroatin që është në avantazh.
Ndërsa, Sarri pritet ta konfirmojë formacionin e tij të përhershëm, me të cilin ka luajtur gjatë gjithë sezonit.
Inter: Handanovic; Cancelo, Skriniar, Miranda, D'Ambrosio; Vecino, Valero; Candreva, Brozovic, Perisic; Icardi. Napoli: Reina; Hysaj, Albiol, Koulibaly, Mario Rui; Allan, Jorginho, Hamsik; Callejon, Mertens, Insigne. /Telegrafi/
