Ford tërheq 125,000 automjete për shkak të dështimeve të motorit që mund të shkaktojnë zjarr

Ford Motor bëri thirrje të martën për një tërheqje të për 125 mijë automjete sportive dhe kamionë sepse dështimet e motorit mund të shkaktojnë zjarr.

Tërheqja përfshin SUV të ndryshëm Escape dhe Lincoln Corsair dhe kamionçina kompakte Maverick nga vitete e modelit 2020-2023 me motorë hibrid 2.5L ose hibrid plug-in, sipas një dosjeje në Administratën Kombëtare të Sigurisë së Trafikut në Autostrada (NHTSA), transmeton Telegrafi.

Prodhuesi i automjeteve tha çështjet mund të shkaktojnë që motori të dështojë para kohe dhe në atë rast vaji i motorit ose avujt e karburantit mund të lirohen, duke rritur rrezikun e zjarrit dhe lëndimit.

Ford fillimisht tërhoqi 100 mijë modele Escape, Corsair dhe Maverick në Shtetet e Bashkuara në korrik të vitit 2022.

Ford dhe NHTSA-ja këshilluan pronarët që të parkojnë dhe fikin motorin nëse dëgjojnë zhurma të papritura të motorit, vërejnë një ulje të fuqisë së automjetit ose shohin tym. /Telegrafi/