Finalistët e çmimit “Artistët e së nesërmes”
21/09/2018
Stacion - Qendra për Art Bashkëkohor në Prishtinë, shpall vendimin e jurisë për finalistët e çmimit “Artistët e së nesërmes” 2018.
Juria e përbërë nga Charles Esche - drejtor i Van Abbemuseum, Eindhoven; Erëmirë Krasniqi - studiuese dhe drejtoreshë e Oral History Kosovo; Jelena Vesiq - kuratore, shkrimtare, redaktore dhe ligjëruese; Adrian Deva - artist dhe edukator arti; dhe Amanda Parmer - drejtoreshë e programit e Independent Curators International (ICI) në Nju Jork, ka zgjedhur këta tre finalistë: Qëndresë Deda, Altin Krasniqi dhe Dion Zeqiri.
Fituesi do të shpallet me 5 dhjetor 2018 në Klubin e Boksit në Prishtinë. /Telegrafi/