E jashtëzakonshme: Kosova fiton me 43 gola epërsi
20/06/2015
Skuadra kosovare ka qenë bindshëm më e mirë se kundërshtari, Armenia, që ishte vërtet e pafuqishme. Kosovarët e kanë ‘shkelur’ kundërshtarin qysh në pjesën e parë, të cilën e mbyllën me 28 gola dallim, 32:4, raporton Zëri.
Ndërkaq, në pjesën e dytë epërsia e vendësve u shtua dhe në fund ata fituan me 43 gola dallim. “Fatmirësisht e kishim një kundërshtar të lehtë, fituam me lehtësi. Besojmë se do të triumfojmë dhe ta kalojmë grupin”, deklaroi Kastriot Jupa pas lojës, përcjell Zëri.
Jemi mësuar ta shohim Kosovën ose ekipet kosovare duke humbur me rezultat të thellë, dhe kjo me siguri ishte një befasi e këndshme për tifozët kosovarë. /Telegrafi/