Artistja shqiptare me famë botërore, Dua Lipa, ka filluar vitin 2021 me pushime në Meksikë.
25 vjeçarja bëhet e ditur se si destinacion të pushimeve ka zgjedhur pjesën Tulum në bregun lindor të vendit.
Edhe pse ylli i muzikës pop ishte shoqëruar nga i dashuri i saj, Anwar Hadid, shëtitja në plazh me imazhet e realizuara ishte vetëm me disa nga miqtë.
Dua nisi fundjavën me bikini të kuqe, që e lejoi atë t’i vinte më në pah linjat atraktive trupore.
Artistja, e lindur në Londër me prejardhje nga Kosova, dukjen e kompletoi me një palë syze të veçanta e po ashtu me vathë ari.
Gjatë ditëve të tjera të pushimeve të saj në Meksikë, ajo është parë në një humor të mirë me partnerin e saj.
Anwar, 21 vjeç, njihet si vëllai i vogël i supermodeleve Gigi dhe Bella Hadid dhe djali i Yolanda Hadid.
Modeli amerikan dhe ylli shqiptar arritën në Meksikë në kohën e Vitit të Ri, gjersa kremtuan festat me familjen e Hadid.
Bella, Gigi dhe nëna e tyre ishin pjesë e festimeve ashtu si ish-burri i Yolanda, Mohamed Hadid, i cili është babai i fëmijëve të saj.
Gigi u bashkua gjithashtu me partnerin Zayn Malik, që tanimë njihet nga grupi “One Direction” dhe ata mirëpritën në shtator një vajzë së bashku. /Telegrafi/
