Alessandro Del Piero ka vazhduar me lëvdatat ndaj Paulo Dybalas, por njëherësh ka kërkuar nga ai që të bëjë më shumë me talentin që ka.
Ikona e Juventusit dhe dhjetëshi aktual kanë folur në një bashkëbisedim të drejtpërdrejtë në Instagram. Ndërsa kapiteni legjendar ka folur për argjentinasin edhe në La Gazzetta dello Sport.
“Mënyra si e shënoi golin ndaj Interit dëshmo se ai është lojtar me cilësi të jashtëzakonshëm. Një gol i tillë duhet t’i japë më shumë vetëbesim dhe ndërgjegjësim për potencialin që ka”.
“Në fakt, do të shkoj më larg. Dikush me aftësitë e tij, talentin dhe do t’ia shtoja mentalitetin e tij, duhet të bëjë më shumë. Paulo nuk duhet t’i vë vetes kufij dhe duhet ta pushtojë të ardhmen”.
“Askush nuk të jep asgjë falas, sidomos te Juve dhe këtë e them nga përvoja. Duhet të dëshmosh gjithçka deri në ndeshjen e fundit...”.
“Rrugëtimi i Dybalas sapo ka filluar dhe do të bëhet gjithnjë e më i mirë – natyrisht me fanellën e Juves veshur”, ka thënë Del Piero. /Telegrafi/