City fiton me rikthim ndaj Leicesterit

Manchester City ka triumfuar ndaj Leicester Cityt me rezultat 3-1 në takimin e vlefshëm për javën e 18-të në Ligën Premier.

Ekipi i Pep Guardiolas e ka vazhduar serinë e mirë në kampionat duke fituar ndaj Leicesterit dhe duke u afruar në 11 pikë liderit Liverpoolit.

Pjesa e parë e ndeshjes u karakterizua me lojë më të mirë të vendasve, por ishin mysafirët që shënuan të parët, para se City të tund dy herë rrjetën.

Ishte sulmuesi anglez Jamie Vardy, i cili shfrytëzoi një kundërsulm të shpejt për të shënuar në minutën e 14-të për 1-0.

City u rikthye në lojë në minutën e 30-të të takimit duke barazuar 1-1 me anë të Riyad Mahrez, ndërsa Ilkay Gundogan (43’) shënoi nga penalltia për 2-1.

Në pjesën e dytë, përsëri ishte City që dominoi me raste dhe posedim, por arriti të shënojë vetëm edhe një gol.

Goli i vetëm në këtë pjesë erdhi në minutën e 69-të të ndeshjes dhe ishte Gabriel Jesus, i cili vulosi rezultatin përfundimtar 3-1.

Pas kësaj fitore, City e sheh veten në vendin e tretë me 38 pikë, një më pak se Leicesteri në vendin e dytë.

Në ndeshjen e radhës, Qytetarët udhëtojnë te Wolves, ndërsa Dhelprat e presin Liverpoolin. /Telegrafi/

https://twitter.com/D9INE_PLeague/status/1208451679357521920

https://twitter.com/rosarosa770/status/1208465754552766469

https://twitter.com/futurefights360/status/1208461882761392139