Këngëtarja e mirënjohur shqiptare, Bebe Rexha, tashmë ka një trofe më shumë në vitrinën e saj të çmimeve.
Akademia e Muzikës Country (ACM), ka shpërblyer atë dhe grupin Florida Georgia Line, për bashkëpunimin e tyre shumë të suksesshëm, "Meant to be".
Marrjen e këtij çmimi special, artistja shqiptare e bëri të ditur përmes një rishpërndarje nga Akademia e Muzikës Country në Instagram.
"Bebe Rexha merr në shtëpi çmimin e saj të parë ndonjëherë nga ACM! Senzacioni i pop-it është një marrëse shtesë e ACM Music Event e dekadës së çmimeve me Florida Georgia Line për 'Meant to be'".
Këngëtarja me prejardhje shqiptare përndryshe ka dërguar një numër të madh çmimesh të rëndësishme në shtëpi këtë vit.
Ajo fitoi një MTV VMA për bashkëpunimin me The Chainsmokers, dhe një çmim nga iHeart Radio, po prap për këngën "Meant to be".
E njëjta pati suksesin më të madh të karrierës këtë vit, duke u nominuar për dy çmime 'Grammy', ndonëse për fat të keq nuk arriti ta fitojë asnjërin prej tyre. /Telegrafi/
