Paulo Dybala mund të largohet nga Juventusi në fund të këtij edicioni.
Sulmuesi argjentinas me ardhjen e Cristiano Ronaldos ka mbetur nën hijen e tij dhe nuk e ka shfaqur gjithë potencialin e tij.
Por Juventusi mund të mbetet pa numrin 10 në fund të këtij edicioni pasi ofertat për të nuk mungojnë.
Gjiganti gjerman, Bayern Munich po insiston për transferimin e Dybalas në Allianz Arena.
Rai Sport ka raportuar se kampioni aktual i Gjermanisë është gati të shpenzojë 80 milionë euro për Dybalan.
Por për ta fituar garën për argjentinasin, Bayerni duhet ta mposhtë konkurrencën e Chelseat, Manchester Unitedit, Liverpoolit, PSG-së, Real Madridit dhe Interit.
25-vjeçari argjentinas është duke luajtur stinorin e tij të katërt me fanellën e Zonjës së Vjetër. /Telegrafi/