Bayern Munichu thuhet se e ka fituar garën për nënshkrimin e mesfushorit uellsian, Aaron Ramsey.
Ramsey është në vitin e fundit të kontratës së tij me Arsenalin dhe ka nuk pritet rinovim i kontratës së tij.
Ylli i Uellsit gjithashtu ka deklaruar disa herë se do të largohet në fund të sezonit nga Emirates si lojtar i lirë.
Situata e tij e krijuar te Arsenali ka bërë që shumë klube evropiane të vihen pas tij për të fituar shërbimet me parametra zero.
Megjithatë, sipas Independent, mesfushori i Arsenali është në rrugë për tu bashkuar me Bayern Munichun gjatë verës.
Klubi nga Allianz Arena thuhet se e ka fituar garën për të nënshkruar me 27-vjeçarin si transferim i lirë pas bisedave me përfaqësuesit e tij.
Ramsey thuhet se do të nënshkruaj kontratë afatgjatë me Bavarezët, ndërsa një para-kontratë pritet të vijë gjatë janarit.
Në garë për yllin e Arsenalit ishin edhe klubet rivale të Ligës Premier, Liverpooli dhe Chelsea, ndërsa në Serie A pëlqehej nga Roma. /Telegrafi/