08/10/2025
Gjilani është bërë me trajner të ri pas largimit të Ardian Nuhiut një javë më parë.
Starti jo i mirë në sezonin 2025/26 ka bërë që drejtuesit e klubit të ndryshojnë në stafin teknik, ku Ardian Nuhiu ofroi dorëheqje.
E pas shumë propozimeve për trajner, më në fund Gjilani ka vendosur për Debatik Currin.
Legjenda e futbollit kosovar dhe ish-trajner i Prishtinës ka marrë drejtimin e 'Skifterave'.
Curri që ka fituar Kupën e Kosovës me Prishtinën, do të zyrtarizohet ditën e enjten nga Gjilani.
Ai pritet që të debutoj në krye të skuadrës në fundjavën e ardhshme në sfidën ndaj Prishtinës së Re. /Telegrafi/