Arrestohet i dyshuari për vrasje në tentativë në Ferizaj, pas përleshjes e kishte goditur me thikë

Policia e Kosovës ka bërë të ditur se ka arrestuar të dyshuarin për vrasje në tentativë.

Rasti ka ndodhur në fshatin Dubravë të Ferizajt, të premten në ora 10:20.

“Është arrestuar i dyshuari mashkull kosovar, pas që pas një përleshje fizike me viktimën mashkull kosovar, e kishte goditur me thikë dhe i kishte shkaktuar lëndime trupore”, thuhet në raport.

Viktima është dërguar në QKUK. I dyshuari me urdhër të prokurorit është dërguar në mbajtje. /Telegrafi/